Messi Çempionlar Liqasında daha bir nailiyyətə imza atıb

Bölmə:
İdman ›
Tarix:
24.10.2019
Oxunub:
62 dəfə

İspaniya "Barselona"sının futbolçusu Lionel Messi Çempionlar Liqasında ardıcıl 15 mövsümdə qol vuran ilk futbolçu adına yiyələnib.

 

"Oxucu" informasiya verir ki, 32 yaşlı hücumçu yeni nailiyyətə Çexiyada "Slaviya" ilə III tur qarşılaşmasının 3-cü dəqiqəsində imza atıb.

 

Messi ilk dəfə 2 noyabr 2005-ci ildə Yunanıstan "Panatinaikos"una 5:0 hesabı ilə qalib gəldikləri görüşdə fərqlənib. Hazırda aktivində 113 qolu olan argentinalı forvard yalnız Ronaldudan (127 qol) geri qalır.

 

Qeyd edək ki, Lionel Messi bu mövsüm Çempionlar Liqasında ilk qolunu "Slaviya"nın qapısından keçirib. Hazırda "Barselona" F qrupunda 7 xalla liderdir.

 

Mənbə: "Report"

 

Yoxlama kodu:31345