Messi və Ronaldunun kimlərə səs verdikləri bəlli olub

Bölmə:
İdman ›
Tarix:
24.09.2019
Oxunub:
148 dəfə

İlin ən yaxşı kişi futbolçusu seçilən Argentina milli komandasının kapitanı Lionel Messinin kimlərə səs verdiyi bəlli olub.

 

"Oxucu" informasiya verir ki, İspaniya “Barselona”sının hücumçusu FIFA-nın “The Best” mükafatı üçün səsvermədə ilin ən yaxşı futbolçusu kimi Sadio Maneni (“Liverpul”, İngiltərə) fərqləndirib. O, Kriştianu Ronaldunu (“Yuventus”, İtaliya) ikinci yerə layiq görüb. Hazırda “Barselona”da komanda yoldaşı olan Frenki de Yonqun adını isə üçüncü qeyd edib.

 

Messi ilin ən yaxşı baş məşqçisi sıralamasını bu cür edib: Xosep Qvardiola (“Mançester Siti”, İngiltərə), Maurisio Poçettino (“Tottenhem”, İngiltərə), Marselo Qalyardo (“River Pleyt”, Argentina).

 

Argetinalı forvardın əzəli rəqibi, Portuqaliya millisinin kapitanı Ronaldu isə ilin ən yaxşı kişi futbolçusu qismində hazırda “Yuventus”dakı komanda yoldaşı Matteys de Liqti görüb. O, həmçinin Frenki de Yonq və Kilian Mbappeyə (PSJ, Fransa) səs verib.

 

Ronaldu ilin ən yaxşı baş məşqçisi kimi Portuqaliya yığmasına rəhbərlik edən Fernandu Santuşu fərqlənidirib. Onun səs verdiyi digər iki mütəxəssis isə Cemal Belmadi (Əlcəzair millisi) və Yugren Kloppdur (“Liverpul”, İngiltərə).

 

Qeyd edək ki, ilin ən yaxşı kişi oyunçusu argentinalı Lionel Messi (“Barselona”, İspaniya), ən yaxşı qadın futbolçusu isə amerkalı Meqan Rapino (“Reyn”, ABŞ) seçilib. Kişi komandaları üzrə ən yaxşı baş məşqçi adına almaniyalı Yurgen Klopp (“Liverpul”, İngiltərə) layiq görülüb. Qadın komandaları üzrə isə amerikalı Jill Ellis (ABŞ millisi) qalib olub.

 

Mənbə: “Report”

Yoxlama kodu:70192