STAR neft emalı zavodunda bütün qurğular istismara verildi-FOTOLENT

Bölmə:
Energetika ›
Tarix:
29.03.2019
Oxunub:
391 dəfə

Martın 28-də SOCAR prezidenti Rövnəq Abdullayev və şirkət rəhbərliyinin nümayəndələri işgüzar səfər çərçivəsində Əliağa yarımadasında olmuş, Petkim, STAR neft emalı zavodu, SOCAR Terminalı və SOCAR-a məxsus olan digər müəssisələrin cari vəziyyətilə tanış olmuş, STAR zavodu İdarə Heyətinin toplantısında iştirak etmişlər.

 

“Oxucu” SOCAR-ın mətbuat xidmətinə istinadən informasiya verir ki, iclasda qeyd olunmuşdur ki, zavodun tam istismar gücünə çatdırılması ilə əlaqədar istehsalat göstəricilərində ilin əvvəlinə nisbətən mühüm irəliləyiş əldə olunmuşdur. 5 ay müddətində əsas sazlama işləri uğurla tamamlanmış, zavodun bütün qurğuları istismara verilmişdir. STAR NEZ artıq yanvar ayında “SOCAR Türkiyə”nin neft emalı-neft kimya inteqrasiyası çərçivəsində istehsal etdiyi ilk nafta məhsulunu “Petkim”ə tədarük etmiş, dizel və təyyarə yanacağını isə fevral ayından etibarən bazara çıxararaq, Türkiyə və Azərbaycanın iqtisadiyyatına töhfələr verməyə başlamışdır. STAR NEZ ən son texnologiyalar ilə təchiz olunmuşdur. Sənaye 4.0 tələblərinə uyğun layihələndirilən zavodda rəqəmsallaşma infrastrukturunun təkmilləşdirilməsi üzrə işlər davam edir. İclasda STAR zavodunun rəhbərliyi qarşısında istismar dövründə əməliyyat effektivliyinin təşkili ilə bağlı konkret vəzifələr qoyulmuş və müvafiq tələblər müəyyən edilmişdir.

 

SOCAR-ın STAR neft emalı zavodunun illik emal gücü 10 milyon tondur. Əsas məhsullarını dizel yanacağı (4,8 milyon ton), təyyarə yanacağı (1,6 milyon ton), nafta (1,6 milyon ton), maye neft qazı, qarışıq ksilen, neft koksu təşkil edir. Zavod daşınmalar baxımından strateji əhəmiyyət kəsb edən Əliağa yarımadasında yerləşir. Əliağa yarımadasında STAR NEZ ilə yanaşı, SOCAR-ın Petkim neft-kimya kompleksi, külək elektrik enerji stansiyası və Egey dənizinin ən böyük limanı olan SOCAR Terminalı vahid infrastruktur və dəyər zənciri çərçivəsində fəaliyyət göstərir.

Yoxlama kodu:72636
Prezident Musa Yaquba ev verdi 12:19 07 Nov 2019
AVRO-2020 İTV-də 16:41 05 Nov 2019