Gələn həftə “Google”, “Forbes” və “Facebook”un nümayəndələri Azərbaycana gələcəklər

Bölmə:
Texnologiya ›
Tarix:
16.10.2018
Oxunub:
422 dəfə

Oktyabrın 26-30 tarixlərində keçiriləcək “İnnovasiyalar həftəsi”nin tədbirlərindən biri “Qlobal İnfluenser Günü”nə (Global İnfluencer Day) dünyanın nəhəng şirkətlərindən nümayəndələr iştirak edəcək.

 

"Oxucu" informasiya verir ki, bu barədə Azərbaycan Nəqliyyat, Rabitə və Yüksək Texnologiyalar Nazirliyinin mətbuat xidmətindən məlumat verilib.

 

Məlumata görə, onların arasında, “Google”, “Forbes”, “Facebook”, “Vouge”, “Booking.com” kimi dünyanın nəhəng şirkətlərinin mütəxəssisləri də var.

 

“Oktyabrın 26-da Heydər Əliyev Mərkəzində keçiriləcək “Qlobal İnfluenser Günü” maraqlı çıxışlar, təqdimatlar, seminarlarla yadda qalacaq. Tədbir çərçivəsində ən uğurlu süni intellekt nümunəsi, ilk vətəndaş robot “Sofiya” da Azərbaycana gələcək”, - nazirliyin açıqlamasında deyilir.

 

Mənbə: “Report”

Yoxlama kodu:64359