Biş-düş: Kəsmikli Pankeyk

Bölmə:
Biş-düş ›
Tarix:
13.10.2018
Oxunub:
498 dəfə

"OxucuKəsmikli Pankeyk üçün resepti təqdim edir:


Ərzaqlar


1/2 stəkan yulaf
1/2 stəkan yağsız kəsmik (bərk olmasın, bir qədər sulu olandan istifadə edin)
3 iri yumurtanın ağı
Balaca bananın yarısı
Çay qaşığı qabartma tozu (çay sodasından istifadə etməyin)
Bir damcı vanil suyu (ekstraktı)
Zövqə görə darçın (mütləq deyil)

Necə hazırlanır?


1. Bütün ərzaqları blenderdə yaxşıca qarışdırın (bir neçə saniyədən çox çəkməməlidir).
2. Pankeklərin xəmiri hazırdı. Bir qədər duru amma çox da sulu olmayacaq.
3. Orta istilikdə altı yapışmayan tavaya bişirmə spreyi və ya kokos yağını sürtün (bunlar yoxdursa, hər hansı bir yağ ola bilər).
4. Tavaya hər pankeyk üçün təxminən ¼ stəkan xəmir tökün və qapaqla üstünü örtün. Bir tərəfi bir qədər qızardıqda, çevirib digər tərəfini də bişirin (bu dəfə qapağa gərək yoxdur). Pankeyklər bişərkən bir qədər qabaracaq, amma çox deyil.
5. Pankeyklərin üzərinə bal töküb yeyin.

Nuş olsun!

Mənbə: Sufremiz.az

Yoxlama kodu:86181
Müharibə elan edildi 11:56 07 Oct 2019