Biş-düş: Ananas konservi ilə piroq

Bölmə:
Biş-düş ›
Tarix:
16.05.2016
Oxunub:
802 dəfə

Tərkibi (4 pay):

xəmir:

2 yumurta
3 x.q. şəkər tozu
100 q kərə yağı
125 q içməli yoqurt
4 x.q. un
1,5 ç.q. qabartma tozu
1 limonun sedrası

əlavə:

50 q kərə yağı
2 x.q. şəkər tozu
1 qaşıq limon şirəsi (karamel üçün)
ananas konservi

Yumurtaları şəkər tozu ilə çalın. Yumşaldılmış yağ qatıb bir daha çalın. Yoqurt və limon sedrasını əlavə edib çalın. Qabartma tozu lə qarışdırılmış un əlavə edin.

Karamel: tavada kərə yağı, şəkər tozu və limon şirəsini əridin. Kütlə tam əriyib eynicinsli olana və karamel rəngi alanadək qızdırın.

Karameli formanın dibinə tökün. Kənarlarını isə yağlayın. Ananas dilimlərini içinə düzün.

Xəmiri üzərinə töküb əvvəlcədən 180 dərəcə qızdırılmış sobada 20 dəqiqə bişirin. Bişib-bişmədiyini kibrit çöpüylə yoxlayın.

Sobadan çıxarıb 2 dəqiqə saxlayın. Sonra isə qaba tərs çevirin (2 dəqiqədən çox saxlasanız, karamel soyuyaraq qabın divarlarına yapışacaq və piroqu çıxarmaq istəyərkən onu parçalayıb xarab edəcək).

Nuş olsun!

Mənbə: Milli.Az

Yoxlama kodu:14682
İrana qarşı şok həmlə 13:11 21 Nov 2019